Хуыцауæхсæвы Куывд
- Дунедарӕг Иунӕг Кадджын Хуыцау, табу Дахицӕн!
Ды нӕ радтай зæххыл цæрынӕн.
Бирӕ фарн æмæ амондæй хайджын чи у, уый æмбал - нæ фæкæн!
- Оммен, Хуыцау!
- Нæ фыдæлты Зæронд Уастырджи!
Cay хохы бæрзонд-дæ бадæн, быдыры-дӕ фӕлгӕсӕн.
Хохæй, быдырæй нӕ гыццыл Ирыстон - де уазæг, ды-йæ фæдзæхсӕг!
- Оммен, Хуыцау!
- Реком, Мыкалгабыртæ!
Нæ кад æмæ не гъдау нӕхимæ куыд уой, уыцы арфӕ нын ракæнут!
- Оммен, Хуыцау!
- Аларды æмæ Рыныбардуаг!
Рын æмæ фыдбылызæй хызт куыд уа,
Цард æмæ амондӕй та æфсæст,
Уыцы арфæ ракæнут нæ гыццыл Ирыстонӕн!
- Оммен, Хуыцау!
— Хъӕриуы зӕдтæ, табу уӕхицӕн!
Зӕдты тӕрхондоны бадут,
- Амондджын тӕрхон цы рахæссат,
Уымæй нæ фæхайджын кæнут!
- Оммен, Хуыцау!
- Æвзвӕндаг, табу дӕхицæн!
Ныры фæсивӕд сты ӕфсӕнбарджытæ,
Ӕмæ рухс фæндæгтыл куыд цӕуой,
Уыцы арфæ сын ракæн!
- Оммен, Хуыцау!
- Хуыцауы дзуар, Хуыцаумӕ цӕуӕг дӕ æмæ Хуыцауӕй цы хорздзинӕдтæ æр- хӕссай,
Уымæй-иу нын дӕ цӕст бауарзӕд!
- Оммен, Хуыцау!
- Арвы Уацилла æмæ Фосы Фӕлвӕра,
Цы хор ӕмӕ цы фосыл хӕст стӕм,
Уый нын куывдты хӕринаг фӕкӕн.
- Оммен, Хуыцау!
- Саухъæды бæлæстæй быдыры цӕхӕрадон чи скодта,
Хетӕджы дзуар, табу дӕхицӕн!
Дӕуӕн дӕ тыхсты уысмы хъæд цы æххуыс бакодта,
Уыцы æххуысгæнæг дæ кувӕг адӕмӕн фæу!
- Оммен, Хуыцау!
- Ныхасы Уастырджи! Табу дӕхицӕн!
Нæ ныхæстæ кæрæдзийӕн адджын куыд уой,
Уыцы арфæ нын ракæн!
— Арыхъы Дурджын Бӕрзонд Уастыр- джи æмæ рухс Тӕтӕртупп,
Афсӕнвӕндады баруаӕ стут æмæ,
Ӕфсадмæ цы фæсивӕд арвыстам, уыдо- нӕн сабыр дуг рауадзут!
- Оммен, Хуыцау!
- Маздаджы Мады Майрӕм, табу дӕ- хицӕн!
Уыцы фæсивӕд паддзахы быдырты æнæ мад, æнæ фыд сты,
Æмæ сын ды мад, фыды рæвдауæг фæу!
- Оммен, Хуыцау!
- Цыргъобауы зæдтæ æмæ дауджытæ! Табу уæхицӕн!
Hæ рæй нӕм цы хор ӕрбахауа,
Уый нын куывдты æмæ чындзæхсæвты хӕринаг фæкӕнут!
- Оммен, Хуыцау!
- Горæты Ногдзуар æмæ Хуыцауы дзуар!
На гыццыл Ирыстон цы сахарты цæрынц,
Уым æнæмаст, æнæфыдбылызæй куыд цӕрой, уыцы арфӕ сын ракæнут!
- Оммен, Хуыцау!
- Тхосты дзуар, табу дӕхицӕн!
Исчи нын тыхгæнынвӕнд куы скæна,
Уæд нӕхи амонд тыхджындæр куыд уа,
Уыцы арфæ нын ракæн!
- Оммен, Хуыцау!
- Ирыстоны зӕдта!
На гыццыл Ирыстон уæ кувæг адӕм сты
Æмæ æнæфыдбылыз, цард æмæ амондӕй æфсӕст куыд уой,
Уыцы арфæ сын ракæнут!
- Оммен, Хуыцау!
- Hæ рæзгæтæй æмæ нӕ бæлццæттæй зæрдӕрухс куыд уæм,
Уыцы арфӕ нӕ уӕд.
- Оммен, Хуыцау!
- Аходӕггаг - кӕстӕрмӕ, уый фæстæ- дӕр райгуырди,
Ӕнӕтӕригъӕддæр у æмæ хуымилийагӕй уый хъуамӕ сахода.