Уастырджийы куывд

-Уастырджи, кæм дӕ!

Сызгъӕрин тӕбӕгъты дын фӕкуывдауа, табу дын уӕд

-Оммен, Хуыцау!

-Хистарты Уастырджи!

Кӕстӕрты схъомыл кӕн ӕнӕниз ӕмӕ фадатджынӕй,

Хорз хистæртæ сæ цы рауайа,

Ахæм арфæ сын ракæн.

-Оммен, Хуыцау!

-О кæстæрты Уастырджи!

Кӕстӕрарӕх ӕмӕ хистӕрзондджынӕй куыд цӕрӕм,

Ахæм арфӕ нын ракæн.

-Оммен, Хуыцау!

-О фæндаджы Уастырджи!

Фидаруӕраг æмæ зондджынсæрæй цы цӕуой нæ кæстæртæ,

Ахӕм арфӕ сын ракæн.

-Оммен, Хуыцау!

-Уæ, тыхджын, кадджын Уастырджи!

Ахæм арфӕ сын ракæн, æмæ, цы фысыммæ æрцӕуой,

Цы фысымæй здӕхой,

Уыдон къӕсӕртӕ амондджын куыд уой.

-Оммен, Хуыцау!

-О Уастырджи!

Нæ сæрыхъуынтæ дæр дӕуӕн нымад сты,

Ӕмӕ-иу цы уазджытæ араст уой нæ хӕдзарӕй,

Уыдон-иу сæ хӕдзӕрттыл дзӕбӕхай сæмбæлын кӕн!

-Оммен, Хуыцау!