Чындзхасты Куывд
- Уæ Хуыцау, табу Дæуæн!
- Оммен, Хуыцау!
- Хуыцау, Дæ рафæлдисгæ адæмæн хорздзинæдтæ Дæ цæст бауарзæд!
- Уæ, Дунерафæлдисаг Хуыцау, Абон цы дыууæ мыггаджы æмæ дыууæ кæстæры амонды тыххæй кувæм, уый рæстмæ фæкæн! Кæрæдзи уарзгæйæ куыд фæцæрой, сæ хæстæгдзинад мыггагæй мыггагмæ фидардæр куыд уа дыууæ кæстæры æмзай-æмзæронд куыд бауой æмæ дыууæ мыггаджы кæрæдзиуыл куыд бæттой!
- Уастырджи, табу дæхицæн! Байрагæй бæхгæнæг, лæппуйæ лæггæнæг Уастырджи, ацы чызджы амондджын фæкæн, иæ райгуырæн хæдзарæй йæ цæрæн хæдзармæ амондджындæр къах чи æрбавæрдта, Уый æмбал фæуæд!
- Бинонтæн адджын куыд фæуа, сыхбæстæн уарзон, дыууæ кæстæрæн сæ хорз фæллой æмæ се 'гъдау адæмы 'хсæн нымад куыд уой!
- Уæ Мады Майрæм, уæдæ йæ авд лæппуйы мад фæкæн! Цы бинонтæм æрцыд, уыдонмæ лæппуйы кæхцытæ куыд фæхæссой, ахæм амонд сын балæвар кæн!
— Хоры Уацилла, Фосы Фæлвæра, уæ раттæггаг хор æмæ фосæй æфсæст куыд уæм, æмæ дзы куывдтæ, чындзæхсæвтæ куыд кæнæм, уыцы арфæ нын ракæнут!
— Тбау Уацилла, фыдбылызæй нæ бахиз, дуне сабыр куыд уа, æмæ нæ кæстæрты чындзæхсаевты абонау куыд бадæм!
— Бынаты Хицау, дæ бынмæ цы кæстæр æрбахызт, уый амондджын фæкæн!
— Оммен!
— Афтæ ма чи зæгъа зæдтæй, мæ ном куы ссардтаиккой, уæд æз хуыздæр баххуыс кодтаин, зæгъгæ, уыдоны хорзæх дæр нæ уæд!
— Оммен, Хуыцау!
Нашли ошибку?Не забудьте сообщить. oscalendar@odva.pro