Бынаты Хицаумæ куывд
Поделиться молитвой
– Бынаты Хицау, табу дын уæд!
– Оммен!
– Дæ бынат фæрныг æмæ амондджын бынат уæд.
– Оммен!
– Дæ бынаты цы бинонтæ бамбырд вæййы,
Уыдон æнæниз æмæ æнæфыдбылыз уæнт!
– Оммен!
– Хорз цард, хорз амонд сæ куыд уа,
Кæрæдзийы бирæ куыд уарзой,
Дæ ном дын дзæбæхæй куыд арой,
Уыцы ахъаз бакæ.
– Оммен!
– Бирæ кувынæй бирæ хæрзтæ хуыздæр у,
Æмæ нын бирæ хæрзтæ балæвар кæн!
– Оммен!
Нашли ошибку?Не забудьте сообщить. oscalendar@odva.pro